Танымал журналист Геннадий Бендицкий қайтыс болды
АСТАНА. ҚазАқпарат - Белгілі қазақстандық журналист Геннадий Бендицкий қайтыс болды, деп хабарлайды ҚазАқпарат.
«Гена Бендицкий бақилық болды. Әріптесіміз бүгін таңертең, өзі туған күнінде көз жұмды. Ол 47 жасқа енді ғана толған еді», - деп жазды журналист Вадим Борейко өзінің Фейсбуктегі парақшасында.
Геннадий Бендицкий 1970 жылғы 3 желтоқсанда дүниеге келді. Әл-Фараби атындағы Қазақ мемлекеттік университетінің журналистика факультетін бітірді. «Караван», «Время» газеттерінде, «КТК», «31-арна» телеарналарында, соңғы жылдары Ratel.kz порталында еңбек етті.
