Танзанияда автобус пен пойыз соқтығысып, 13 адам көз жұмды
Сәрсенбі күні таңертең Танзанияның орталық бөлігіндегі Сингида облысында автобустың локомотивке соғылуы салдарынан кем дегенде 13 адам қаза тапты, тағы 25-і зардап шекті. Kazinform бұл туралы Синьхуа ақпарат агенттігіне сілтеме жасап хабарлайды.
«Қаза тапқандар саны артуы мүмкін, себебі зардап шеккен 25 адамның көбінің жағдайы өте ауыр», - деп мәлімдеді аймақтың полиция басшысы Стелла Мутахибирва.
Дар-эс-Саламнан Мванзаға жол жүріп келе жатқан автобустың ішінде 57 жолаушы болған.
Автобус пен локомотив теміржол өткелінде жергілікті уақыт бойынша сағат 05:00-де соқтығысты.
