Таразда автобус өртенді

TARAZ.KAZINFORM - Бүгін сағат 17:43-те Жамбыл облысы ТЖД күштер мен құралдарды жедел басқару орталығының телефонына Тараз қаласы Мәмбет батыр көшесінің бойында жолаушылар автобусының өртенгені туралы хабарлама келіп түсті.

Облыстық төтенше жағдайлар департаменті баспасөз қызметінің мәліметінше, «Ауыл-Береке» базары маңында орын алған оқиға орнына 16 адам жеке құрам және 4 техника жұмылдырылып, өрт 18:00–де ауыздықталып, 18:06 -да жойылған. Зардап шеккендер мен қаза болған адамдар тіркелген жоқ. Өрттің шығу себебі анықталуда.