Таразда той кортежіне түтінмен «сән берген» жүргізушіге айыппұл салынды

ТАРАЗ. ҚазАқпарат - Жол ережесін бұзғандар оқиға орнында ұсталды, деп хабарлайды ҚазАқпарат.

Тараз қаласының патрульдік полиция қызметкерлері әкімшілік аумақты патрульдеп жүріп қала көшелерінің бірінен автокөліктің қатты дауысы мен түтін шығып жатқанын байқайды.

Жедел жеткен полиция қызметкерлері жол ережесін қасақана бұзып жатқан бір топ жас жігітті көреді.

Автокөлік иесінің айтуынша, қыдыруға шыққан той кортежіне сән беріп, қонақтардың көңіл күйін көтергісі келген.

Аталған автокөлік иесі ҚР ӘҚБтК 630-бабы 1 тармағымен, 593-бабы 2 тармағымен әкімшілік жауапкершілікке тартылды.

Видеодан алын ғ ан кадр