Тәрбиесі нашар жасөспірімдер сақ обаларын қалыпқа келтіру жұмыстарына тартылады
АЛМАТЫ. Қазанның 26-ы. ҚазАқпарат /Әділет Мұсахаев/ - Алматыда «Табиғат» экологиялық Одағы студенттерден және тәрбиесі нашар жасөспірімдерді ұйымдастырып, бүлінген Бесшатыр обаларын қалыпқа келтірмек,
деп хабарлайды ҚазАқпарат.
Қазіргі уақытта «Табиғат» экологиялық одағы еліміздің тарихи-мәдени мұраларын қалпына келтіру мәселелерімен айналысып жүр. Соның бірі - «Алтынемел» ұлттық саябағы аумағындағы Бесшатыр обалары. Мұндай жұмыстарды атқару үшін олар кәсіби мамандардан бөлек ерікті жастарды да тартпақ.
«Кеңес үкіметі тұсында жыл санауға дейінгі 5-6 ғасырлық 18-ге жуық сақ патшалығының қорғандары жойылған, сондай-ақ үш қорған бульдозермен көмілген. Міне біздің құрған лагерьдің балалары жазғы демалыс уақыттарында осындай жойылып бара жатқан еліміздің тарихи-мұраларын қалыпқа келтіру жұмыстарымен айналысатын болады», дейді «Табиғат» экологиялық одағының басшысы М. Елеусізов.
