Ташкентте ауаны қорғау мақсатында АИ-80 бензиніне, көмірге, мазутқа тыйым салу ұсынылды
Ташкентте Экология министрлігі ауаны қорғаудың бірқатар шарасын ұсынды. Олардың ішінде: АИ-80 бензинін, сондай - ақ жылу және электр станцияларында мазут пен көмірді пайдалануға тыйым салу, қарбалас уақытта жүк көліктерінің қозғалысын шектеу бар. Бұл туралы Kazinform Газета.uz сайтына сілтеме жасап хабарлайды.
Елде атмосфералық ауаның ластану көздерін бақылау бекеттері енгізіледі әрі қоршаған ортаны бақылау үшін автоматты станциялар орнатылады.
Сонымен қатар, Экология министрлігі ауаның ластануына қарай төмендегі талаптарды ұсынады:
Отынды, атап айтқанда, «Еуро-4» стандартынан төмен экологиялық санаттағы АИ-80 маркалы бензинді пайдалануға тыйым салу;
жолдардағы кептелістерді азайту және қозғалыс қауіпсіздігін қамтамасыз ету мақсатында Ташкент аумағында жүк тасымалдауға арналған салмағы 3,5 және 12 тоннадан асатын көлік құралдарының қозғалысын сағатына — 7:00 — ден 10:00-ге дейін және 17:00-ден 20:00-ге дейін шектеу;
2010 жылға дейін шығарылған автокөлік құралдарының барлық түрлерінің қозғалысына тыйым салу,
Электромобильдерге көшу кезінде автокөлік құралдарының иелеріне жеңілдіктер, преференциялар мен субсидиялар беру;
Автомагистральдардағы кептелістерді азайту мақсатында автомобиль қозғалысын оңтайландыру үшін эксперимент ретінде «тақ және жұп» күндерде көлік жүргізу ережесін енгізу;
қоғамдық көлікті электр, газ баллонды отынмен және басқа да баламалы отын түрлерімен пайдалануға ауыстыру, сондай-ақ жол инфрақұрылымын ұйымдастыру;
Ташкент облысының Ташкентке іргелес аудандарында көмірді өнеркәсіптік мақсатта пайдалануға тыйым салу;
Жылу орталықтарында мазутты резервтік отын ретінде пайдалануға тыйым салу;
