Ташкентте қаланың 2200 жылдығы тойлануда

ТАШКЕНТ. Қыркүйектің 2-сі. ҚазАқпарат /Кұрмат Самархан/ - Сейсенбі күні «Өзбекстан» Халықаралық форумдар сарайында Ташкенттің 2200 жылдығына арналған салтанатты концерт болып өтті.

«Жиырма ғасыр бұрын пайда болған, Ұлы Жібек жолының қиылысында орналасқан Ташкент өзінің географиялық және геосаяси жағынан орналасуының және әлемдік өркениеттің дамуына қосқан орасан зор үлесінің арқасында «Шығыс қақпасы» деген атаққа шын мәнінде ие болды, өзіне шуақты Өзбекстанның бай тарихы мен қайталанбас бейнесін сіңдіре білді», - деп атап айтты Өзбекстанның Президенті Ислам Каримов салтанатты жиында.