Тәу етуші еврейлер мінген ұшақ шұғыл қонуға мәжбүр болды

АСТАНА. ҚазАқпарат - Еврей тәу етушілері  мінген британдық Titan Airways әуе компаниясының чартерлік рейсі ұшақта саңылаудың пайда болуына байланысты төтенше жағдайда Амстердамға қонды.

Оқиға жексенбі күні, 19 наурызда Лондоннан Польшаның Жешу қаласына ұшу барысында орын алған. Қысымның төмендеуінен салон ішіндегі жолаушылар оттегі бетперделерін киіп, құдайға жалбарына бастаған. Бақытқа орай, әуе кемесі Амстердамның Схипхол әуежайына сәтті қонды. ТЖ салдарынан ешкім зардап шеккен жоқ.

Жыл сайын наурыз айында иудейліктер Польшаға тәу етуге аттанады. Олар Польшаның Лиженск қаласындағы хасидизмнің поляктік тармағының негізін қалаушы Раби Элимелех қабіріне барады.