Тәуелсіздік жылдарында 170 мыңнан астам медициналық қызметкер біліктіліктерін арттырып, қайта даярлау курстарынан өтті
АСТАНА. ҚазАқпарат - 1991-2015 жылдары қайта даярлау мен жетілдіру курстарына 170 779 дәрігер, провизорлар, орта медициналық қызметкерлер, денсаулық сақтау саласының менеджерлері, санитарлық-эпидемиологиялық қызметтің мамандары қатысты, деп хабарлады www.pm.kz.
Соңғы 10 жылда мамандықтар саны үш есеге ұлғайды. Бүгінгі таңда магистратура 3 мамандық, резидентура 27 мамандық бойынша білім береді. Аталған бағыттар ашылғаннан бастап 7 жылдың ішінде 159 магистрант пен 919 резидент дайындалды.
Алматының емдеу-профилактикалық ұйымдарында ҚазҰББУ-ның 70 клиникалық базасы бар. Онда университет мамандары емдеу-диагностикалық және консультативтік көмек көрсетеді.
«Соңғы 25 жылда 340 мыңнан астам паценттер емделіп, 900 мыңнан астам адамға консультативтік қызмет көрсетілді, 130 мыңнан астам адамға ота жасалды», - делінген ҚР ДСӘДМ хабарламасында.
ҚазҰББУ-ның бірнеше кафедралары жоғары мамандандырылған медициналық көмек көрсетіп келеді. Мәселен, 2015 жылы 897 пациентке аталған медициналық көмек көрсетілген болатын.
