Тәуелсіздіктің 30 жылдығы: Атырауда «OTAN Life» жобасы басталды
Облыстық білім басқармасы қосымша білім беру, тәрбие жұмысы, өзін-өзі тану және бала
құқығын қорғау бөлімінің басшысы Алмагүл Қайырлиеваның айтуынша, «OTAN Life» —
биыл Атырау облысының білім беру ұйымдарында іске асатын жобалардың негізгісі.
«Жобаның мақсаты – өскелең ұрпақты патриоттық рухта тәрбиелеу, олардың бойында
ұлттық құндылықтарды, дәстүрлерді құрметтеу сезімдерін қалыптастыру. Жобаға барлық
мектептің оқушылары мен колледж студенттері, педагогтар және ата-аналар қатыса
алады. Жоба толыққанды іске асу үшін жауапты комиссия құрамы жасақталады.
Комиссия құрамына жоба жетекшісі, ата-аналардың қоғамдық кеңесі, Аналар мектебі,
Әкелер қоғамдық кеңесі, ұлдар, қыздар ұйымы, «Адал ұрпақ», әскери-патриоттық,
еріктілер клубтары, «Жас ұлан» ББЖҰ, «Мектеп инспекторының жас көмекшілері»
секілді мүдделі ұйымдар мен тұлғалар кіреді», - дейді Алмагүл Қайырлиева.
Оның айтуына қарағанда, аталмыш жобада онлайн-дәрістер, сынып сағаттары, дебаттар,
кітаптар бейнеблогы, мұражайларға саяхат, жас ғалымдармен кездесу, сурет шеберханасы,
жас айтыскер сайысы, ерекше білімге қажеттілігі бар балалар арналған, әскери-патриоттық клубтар арасында сайыстар, оқушылар арасында эссе конкурсы және басқа да іс-шаралар ұйымдастырылады деп күтілуде.
Еске сала кетелік, бұдан бұрын тәуелсіздіктің 30 жылдығына орай Атырауда «30 игі іс»
қайырымдылық акциясы басталған еді.