Таяудағы тәуліктерде ШҚО және Алматы облыстарының өзендерінде нөсер жаңбыр болуы ықтимал
АСТАНА. ҚазАқпарат - Таяудағы тәуліктерде Алматы және Шығыс Қазақстан облыстарының өзендерінде нөсер жаңбыр болуы күтіледі, деп хабарлады «Қазгидромет» РМК.
«5 шілдеде Шығыс Қазақстан облысының кейбір өзендерінде нөсер жаңбыр салдарынан су тасқыны қалыптасуы күтілуде», - делінген хабарламада.
Сонымен бірге, таяудағы тәуліктерде - 5 шілдеде Алматы облысының кейбір өзендерінде де күшті жаңбыр жаууы салдарынан су тасқыны қалыптасып, сел жүруі мүмкін.
