Тайландта волейболдан жастар арасында ерлер командаларының XV Азия чемпионаты өтіп жатыр

АЛМАТЫ. Қазанның 4-і. ҚазАқпарат /Ерлік Ержанұлы/ - Волейболдан Тайландтың Нахонпатом және Ратчабури қалаларында өтіп жатқан жастар арасында ерлер командаларының XV Азия чемпионатында қазақстандықтар ертең Мальдивы құрамасымен кездеседі,

деп хабарлайды ҚазАқпарат.

Қазанның 1-і күні жалауын көтерген бұл турнирде Геннадий Паршиннің тәлімгерлері алғашқы кезеңде "С" тобында өнер көрсетті. Олар бірінші ойында Қытай спортшыларына 3:2 есебімен есе жіберген еді. Екінші кездесуде вьетнамдық құрдастарын (3:0) айқын басымдықпен ұтты. Алайда топтық кезеңнің соңғы ойынында 2:3 есебімен кореялықтардан ұтылып қалды. Бүгін барлық командалар бір күндік демалыс алды. Қазақстандық волейболшылар енді ертең Мальдивы, ал арғы күні Жаңа Зеландия құрамасымен сынға түсетін болады.