Тайландта жол апатынан 7 адам қаза тауып, 25-і зардап шекті
АСТАНА. ҚазАқпарат - Тайландта халықаралық автобустың қатысуымен болған жол апатынан жеті адамның өмірі қиылып, 25 адам жарақат алды.
Автобус Чумпхон провинциясынан ел астанасы Банкокқа бара жатқан, деп хабарлады РИА Новости.
Жергілікті полицияның ақпаратына сәйкес апатқа себеп - жүргізушінің тас жолда жылдамдығы асырып жүргені. Салдарынан автобус жолдан шығып кетіп, электр бағанына соғылған.
Алдын ала дерек бойынша апат салдарынан шетелдік азаматтар зардап шекпеген.
