Тайсон көршісін «GGG Қазақстан тауының ірімшігімен» қонақ етті

АСТАНА. ҚазАқпарат - Америкалық боксшы Майк Тайсонның Youtube-тағы ресми-арнасында «Ессіз көрші» комедиялық видеоролигі жарияланды, деп хабарлайды Sports.kz.

Оның сюжеті бойынша, Майк өзінің көршісі Анвар Джибавиді кешкі асқа келуге көндіреді. Боксшы Анварға ірімшігі молынан салынған сэндвич ұсынады.

«GGG Қазақстан тауынан жеткен нағыз ешкі ірімшігі», - деп нақтылайды Тайсон. Сондай-ақ, ол көршісінен «Қазақстанда дүниеге келгенсің бе?», - деп сұрайды. Оған «жоқ», деген жауап алады.