Тайвань әкімшілігінің бұрынғы басшысы өмір бойына түрмеге кесілді
АСТАНА. Қыркүйектің 11-і. ҚазАқпарат - Тайвань әкімшілігінің бұрынғы басшысы Чэнь Шуйбянь сыбайлас жемқорлығы үшін бүгін өмір бойы қамауға кесілді.
Ол 2000 жыл мен 2008 жылдың мамыр айының аралығында билік басында болған 8 жылда мемлекет ақшасын талан-таражға салғаны, парақорлығы және басқа да қылмыстары үшін кінәлі деп танылды, деп хабарлайды РАТА-ТАСС агенттігі.
Тайвань әкімшілігінің бұрынғы басшысы өткен жылдың қараша айында қамауға алынған болатын.
Прокурорлар, Чэнь Шуйбянь мен оның отбасы жалпы есеппен 20 миллионнан астам доллар ақшаны қалталарына басты, деп санайды.
