Тайваньда 20 көлік соқтығысып, екі адам қаза тапты, 8-і жарақаттанған
ТАЙВАНЬ. ҚазАқпарат – Тайваньда болған ірі жол-көлік оқиғасы салдарынан екі адам қаза тауып, 8-і жарақат алды. Жексенбі күні бірден 20 көлік соқтығысқан, деп хабарлайды ҚазАқпарат Тайваньның орталық ақпарат агенттігіне сілтеме жасап.
Апат Тайваньның батыс бөлігіндегі Цзяи және Юньлинь уездерінің түйіскен жерінде болды. Қалың тұман жағдайында жеті жүк көлігі бір-біріне соқтығысқан. Олардың бірі сұйытылған мұнай газы бар цистерналарды тасымалдаған. Сондай-ақ 13 жеңіл көлік бар.
Зардап шеккендер ауруханаға жатқызылды, олардың жағдайы әзіре белгісіз.
