Тайваньда тайфун 2 млн. үйді жарықсыз қалдырды

АСТАНА. ҚазАқпарат - Тайваньдағы тайфун шамамен екі миллион үйді жарықсыз қалдырды, деп хабарлады ВВС.

Ауа райының қолайсыздығынан темір жол көлігінің қозғалысы бұзылып, ұшақпен ұшу тоқтатылды. Қазір кем дегенде екі адамның өлімі расталды. Көптеген мектептер мен кеңселер жабылды.

Қазір тайфун Қытай жаққа қарай кетті. Желдің жылдамдығы секундына 63 метрге жетті деп хабарлануда.