Тайваньдағы тікұшақ апатынан 8 адам көз жұмды

БЕЙЖІҢ. ҚазАқпарат – Тайвань аралының таулы аудандарының біріне апатты жағдайда қонған тікұшақтағы 13 адамның сегізі ажал құшты. Бес жолаушы аман, деп хабарлайды ҚазАқпарат China Daily басылымына сілтеме жасап.

Бұған дейін қытайлық БАҚ өкілдері бүгін таңертең тікұшақпен байланыс үзілгенін хабарлаған еді. Кейіннен әуе көлігінің аралдағы таулы аудандардың біріне қонғаны белгілі болды. Оқиға орнында құтқарушылар тобы жұмыс істеп жатыр.