Тайвань тарихындағы ең ірі сайлау өтіп жатыр
АСТАНА. ҚазАқпарат - Тайваньда аралдың тарихындағы ең ірі сайлау өтіп жатыр, деп хабарлады ВВС.
20 мыңға жуық кандидат тоғыз мемлекеттік деңгейдегі 11 мың қызметке үміткер. Бақылаушылардың көбі сайлауды президент Ма Инцзю мен Гоминьдан басқарушы партиясының Қытайға қатынасы туралы референдум ретінде қарастырады.
Сыншылардың айтуынша, партия Бейжіңмен тығыз байланыста және оның саясаты Тайваньды экономикалық жағынан Қытайға тәуелді етеді. Өзгелер болса, аралға беделді көрші елдермен жақсы қарым-қатынас орнату қажет деп есептейді.
