Тайвань тұрғындары «Соулик» тайфунына дайындалып жатыр

АСТАНА. 12 шілде. ҚазАқпарат - Тропикалық «Соулик» тайфуны Тайвань бағытында жылжып келеді. Дауыл аралға қатты жел мен нөсер жауынды алып келеді деп күтілуде.

ВВС-дің жазуынша, дауылдың жақындауына байланысты Тайваньде жұма күні мектептер мен кеңселер жабылды.

Тайфунның жақындауына орай Чжэцзян және Фуцзянь провинцияларындағы жағалаудағы аудандарда ескерту жасалды. Таңертең тайфун аралдан 480 шақырым қашықтықта еді.

2009 жылы «Моракот» тайфунынан Тайваньда жүздеген тұрғын құрбан болған.