Тәжікстан ұлттық саябағы ЮНЕСКО тізіміне енді
АСТАНА. 24 маусым. ҚазАқпарат - Тәжікстанның Памир таулы өлкесінде орын тепкен ұлттық саябақ ЮНЕСКО-ның Әлемдік мұралар тізіміне енді.
Мұндай шешім БҰҰ-ның Білім, ғылым және мәдениет комитетінің 37-ші сессиясында қабылданды.
Тәжікстанның шығысында орналасқан қорық 2,5 миллион гектарды алып жатыр. Ұланғайыр жерде 170 өзен, 400-ден аса көл, оған қоса Поляр шеңберінің сыртында орнасқан аса ірі мұздақ бар. Памир өлкесі биік таулы жүйе болып табылады. Оның кейбір шыңдарының биіктігі теңіз деңгейінен 7 мың метрден жоғары.
