Тәжікстанда 12 мың жазасын өтеуші рақымшылықпен босатылады
АСТАНА. ҚазАқпарат - Тәжікстанда 12 мың жазасын өтеуші рақымшылықпен бостандыққа шығуы ықтимал, деп хабарлады бейсенбіде ТаджикТА.
«Тәжікстанда тәуелсіздіктің 25 жылдығы құрметіне жасалатын рақымшылықтың нәтижесінде 12 мың сотталушы босатылуы мүмкін», - деп мәлімдеді мемлекет басшысының баспасөз қызметі.
Сонымен, босатылатындарға: әйелдер, кәмелеттік жасқа толмағандар, 55-тен асқан ер адамдар, I, II және III топ мүгедектері жатады. Бұдан басқа, онкологиялық аурулармен, туберкулезбен, жүректің ишемиялық ауруымен сырқаттанатын жандар рақымшылыққа ілігеді.
Мерзімінен бұрын босатуға жататындар: ҰОС, басқа мемлекеттер аумағында жауынгерлік іс-қимылға қатысқандар, Чернобыль АЭС апатында жарымжан болғандар, КСРО, Тәжік КРО мемлекеттік наградаларын иеленгендер, шетелдік азаматтар.
Сондай-ақ түрмеден келтірілген шығынның орнын толтыру жағдайы болған кезде қаражатты иеленген, жұмсаған, жымқырған адамдар босатылады.
