Тәжікстанда мемлекеттік тілді білу міндеттелмекші
АСТАНА. 16 маусым. ҚазАқпарат - Тәжікстан Республикасы парламенті төменгі палатасының отырысында депутаттар бірқатар заңдарға өзгерістер енгізіп, барлық деңгейдегі шенеуніктерге мемлекеттік тілді білу міндеттелмекші.
Бұл туралы Айқын газеті жазады.
Нақтырақ айтсақ, «Мәжіліс депутаттарын сайлау туралы», «Халық депутаттары жергілікті мәжілістеріне депутаттар сайлау туралы» және «Ауылдар мен елді мекендерде өзін-өзі басқару органдары туралы» заңдарға өзгеріс енгізіледі. Осыған байланысты депутаттардан бастап, қарапайым шенеуніктерге дейін тәжік тілін терең әрі жан-жақты білуге тиіс.
Тәжікстан үкіметі жанындағы Тіл және терминология комитетінің басшысы Додихудо Саймиддиновтің айтуынша, ел Конституциясына, барлық нормативті-құқықтық актілерге сәйкес мемлекеттік тіл - тәжік тілін барлық деңгейде қолдану міндеті көзделген. «Бұл талап - әлемдік парламентаризм тәжірибесінде жаңалық емес» деді Саймиддинов.
Ислам даму партиясының жетекшісі, депутат Мұхиддин Кабири бұл түзетулердің ақылға сыйымды, талқыға салуға жатпайтындығын мәлімдеді.
