Тәжікстанда прокурор мінген көлік жарылды
АСТАНА. 24 шілде. ҚазАқпарат - Тәжікстанның Таулы-Бадахшан автономиялық облысы Рушан ауданының прокуроры Нафасбек Дильшодов лаңкестіктің салдарынан ауыр жараланды.
Бұл туралы жергілікті құқық қорғау органдары хабарлады, деп жазды РИА "Новости".
Тәртіп сақшысы айтып өткендей, қылмыскерлер Дильшодов мінген көлікті жарып жіберді. Онымен бірге көлікте кем дегенде тағы бір адам болған. Ол да ауыр жараланды. Екеуі де ауруханаға жеткізілді. Дәрігерлер олардың жағдайын аса ауыр деп бағалауда.
