Қырғызстанда қоныс-колониялары түгел жабылады

АСТАНА. KAZINFORM — Қырғызстандағы қоныс-колонияларының барлығы жабылады. Бұл туралы Қырғыз Республикасының Әділет министрі Аяз Баетов мемлекеттік жүйені бюрократиядан арылту бойынша қабылданып жатқан шараларға арналған брифингте мәлімдеді. 

Оның айтуынша, түзеу колонияларымен қатар қоныс колониялары да бар. Онда сотталғандар тіркеліп, бақылаудан өту үшін барады.

— Бірақ бұл адамдардың қоныс-колонияларына келу мен тіркеуді тоқтатуына әкелді. Содан кейін біз пробация жүйесін енгіздік, нәтижесінде екі жүйе бір-бірін қайталай бастады. Кадр тапшылығы да болды. Енді бұл қоныс-колониялары жабылып, барлығы пробация жүйесіне ауыстырылады, — дейді ол.

Шенеуніктің айтуынша, алдымен бес қоныс-колониясы жабылады, кейін тағы бесеуі.

Тиісті жарлыққа Қырғызстан президенті С. Жапаров қол қойған.

Еске сала кетейік, Қырғызстанда лицензиясыз таксистерге айыппұл салу басталады.