Тбилисидегі су тасқыны: үш адам қаза тапты
АСТАНА. ҚазАқпарат - Грузия астанасында нөсерлі жауынның соңы су тасқынына ұласып, оның салдарынан үш адам қаза тапты. Жергілікті БАҚ хабарлағандай, тағы бірнеше адам хабар-ошарсыз кетті, деп хабарлады Би-би-си.
Бірнеше сағат толастамаған нөсер жауын қаланың бірнеше аудандарын су басуға әкеп соқты. Аулаларды, бірінші қабаттарды, жерасты өткелдерін, жүздеген үйлердің жер төлелерін су басты.
Грузия ІІМ басшысы Вахтанг Гомелаури Цхенети-Бетани жолында Тбилиси қаласының маңында көшкін жүргенін хабарлады.
Сондай-ақ су басу салдарынан хайуанаттар бағы аумағынан бірнеше жабайы жануарлар, соныі ішінде арыстандар мен жолбарыстар қашып кеткен.
