Теміртау тұрғынын шоқыну мерекесі түнінде шомылған соң үсік шалды
ҚАРАҒАНДЫ. 21 қаңтар. ҚазАқпарат - Қарағанды облысындағы Теміртау қаласының тұрғыны шоқыну мерекесі түнінде шомылған соң үсік шалып, ауруханаға түсті. Бұл туралы қалалық ауруханаcынан хабарлады.
«Жедел жәрдем қызметі» бізге аяқ-қолдары үсіп кеткен ер адамды жеткізді. Шоқыну түнінде мас күйінде болған ол ойыққа суға түсіп, одан кейін қардың үстінде ұйықтап қалған. Қазіргі кезде ол емделуде», - деп мәлім етті Теміртау қаласының № 3 ауруханасынан.
ТЖД баспасөз қызметінің ақпаратынша, Қарағанды облысында шомылу үшін 10 ойық дайындалды, олардың қасында шоқыну түнінде сүңгуір-құтқарушылар кезекшілік атқарды. Азаматтардың мұздағы қауіпсіздігін қамтамасыз етуде барлығы 40 құтқарушы жұмылдырылды, құтқару құралдары дайын болды.
Құтқарушылардың мәліметтерінше, тек Қарағандының Орталық мәдениет және демалыс саябағындағы көлде ойықтағы суға 1000-ға жуық адам түсті.
