Теміртауда көпқабатты тұрғын үйде шыққан өрт салдарынан тұрғындар эвакуацияланды
АСТАНА. ҚазАқпарат - Көпқабатты тұрғын үйдегі пәтерлердің бірінде шыққан өрт салдарынан тұрғындар эвакуацияланды, деп хабарлайды ҚазАқпарат ҚР СІМ ТЖК баспасөз қызметіне сілтеме жасап.
Ведомствоның ақпараты бойынша, өрт 8 мамырда 21.51-де тоғыз қабатты тұрғын үйдің 4-ші қабатындағы пәтерден шыққан. Өрт 15 шаршы метр аумақты шарпыған.
«Құтқарушылар 4 адамды құтқарып, 19 адамды эвакуациялады, соның ішінде төртеуі - балалар. 1985 жылғы азаматты күйік шалып, ауруханаға жеткізілді», - делінген хабарламада.
Өрт сөндірушілер тілсіз жауды 22.21-де ауыздықтап, 22.34-те сөндірді.
Оның алдын ала шығу себебі - темекі шегу кезінде абайсыздық таныту.
Өртті Қарағанды облыстық өрт сөндіру қызметінің 19 өрт сөндірушісі мен 5 техникасы сөндірді.
