Теміртауда тілсіз жау 4 жасар екі баланың өмірін қиып кетті - ТЖМ
АСТАНА. Қаңтардың 28-і. ҚазАқпарат - Теміртау қаласындағы көпқабатты тұрғын үйде болған өртте 4 жастағы екі бала құрбан болды,
деп хабарлады ҚР ТЖМ-ның баспасөз қызметінен.
Төтенше оқиға қаңтардың 27-сі күні кешке, Байсейітова көшесінде орналасқан 5 қабатты тұрғын үйдің пәтерлерінің бірінде болды. 10 шаршы метр аумаққа тараған жалынды сөндіру барысында 2006 жылы туған екі баланың денелері табылды, сондай-ақ көмірқышқыл газына уланған 28 жастағы әйел ауруханаға жеткізілді.
Тілсіз жау ҚР ТЖМ Қарағанды облысы бойынша ТЖД өртке қарсы қызметінің күшімен 18 минуттың ішінде ауыздықталды.
