Теміртауда ЖЭО -2-де өрт болды

ҚАРАҒАНДЫ. ҚазАқпарат  - Теміртаудағы 2-жылу  электр стансасында бу құбыры орамының жануы салдарынан пәтерлерге жылу беру шектелді, деп хабарлайды »ҚазАқпарат» тілшісі.

 «АрселорМиттал Темиртау» компаниясы баспасөз қызметінің хабарлауынша,  ЖЭО-2 -де төртінші турбогенератордағы бу құбырының орамы отқа оранған.

 «Өрт тездетіп өшірілді, одан әрі қызметкерлердің күшімен толықтай сөндірілді»,-деп мәлім етті «АрселорМиттал Темиртау» АҚ баспасөз қызметінен.

Өрттің салдарынан №4 турбина жұмысы тоқтатылды. Келеңсіз оқиға қала тұрғындарын суыққа тоңуға мәжбүр етті.

Дегенмен энергетик басқармасының мәлімдеуінше, жылу таяу сағаттарда қалпына келтіріледі.