20:11, 11 Қазан 2012 | GMT +5
Теміртаулық жас құтқарушылар Беларусьте өткен халықаралық слетке қатысты
ҚАРАҒАНДЫ. 11 қазан. ҚазАқпарат - Қарағанды облысының Теміртау қаласынан барған жас құтқарушылар Беларусь Республикасында, ұлттық балалар «Зубренок» білім беру-оңалту орталығының базасында өткен халықаралық слетке қатысты.

Бұл туралы Теміртау қаласы бойынша Төтенше жағдайлар жөніндегі басқарманың баспасөз қызметі хабарлады.
«Жас өрт сөндіру-құтқарушылардың X халықаралық слетіне 13 таяу және алыс шетелдердің өкілдері жиналды. Қазақстан атынан Теміртау қаласы SOS Балалар ауылының «Алтын Жұлдыз» командасы барды», - деп хабарлады қалалық ТЖБ.
Жас құтқарушылар көптеген байқауларда күш сынасты.
«Слеттің қорытындысы бойынша Теміртаудан барған жас құтқарушыларға жүлдегер-команданың дипломы берілді. Команда әртүрлі сайыстар мен таныстырылымда бірнеше аталым бойынша жүлделердің иегері атанды», - деп атап өтті ТЖБ-ның баспасөз қызметі.