Теміржол апаттарын енді Индустрия министрлігі тергейді

None
None
АСТАНА. ҚазАқпарат – Индустрия және ифроқұрылымдық даму министрлігіне қосымша міндеттер жүктелмек. Атап айтқанда, ведомство енді теміржол апаттарын тергеп-тексереді. Бұған дейін министрлік тек мән-жайды анықтау жұмыстарына қатысушы болатын. Бұл туралы «Ашық» НҚА порталында жарияланған Үкімет қаулысының жобасында жазылған, деп хабарлайды ҚазАқпарат тілшісі.

Қаулыда жазылғандай, енді ведомствоға мына функциялар беріледі:

- орталық уәкілетті органмен келісу бойынша жылына 200 мың жолаушыдан аз жолаушылар легімен операциялық шығындарды жабу үшін кірістердің жеткілікті деңгейін қамтамасыз етпейтін коммуналдық меншіктегі әуежайларды субсидиялау тәртібін бекіту;

- автомобильдердің салмағын өлшеу станцияларының жұмысын ұйымдастыру қағидаларын әзірлеу және бекіту;

- қалалық рельсті көліктегі қауіпсіздік қағидаларын әзірлеу және бекіту;

- ҚР аумағында жолаушылар пойызына жылжымалы құрамның рельстен шығып кетуіне алып келген теміржол көлігіндегі оқиғаларды, теміржол көлігіндегі апаттарды, аварияларды тергеп-тексеру;

- теңіз кемелерін куәландыру қағидаларын әзірлеу және бекіту;

- азаматтық авиация саласындағы төлемдерді алу қағидаларын әзірлеу және бекіту;

- монополияға қарсы органмен келісу арқылы инфрақұрылымдық алымдарды есептеу әдістемесін әзірлеу және бекіту;

- пилотсыз авиациялық жүйелер операторларының білімі мен дағдыларын дайындау және бағалау жөніндегі қағидаларды әзірлеу және бекіту;

Қаулы жобасы 26 сәуірге дейін көпшілік талқылауда болады.


Соңғы жаңалықтар