Теміржол апатына кінәлілер қатаң жазаға тартылады - ҚХР Мемлекеттік кеңесінің премьері Вэнь Цзябао
БЕЙЖІҢ. 29 шілде. ҚазАқпарат /Руслан Сүлейменов/ - Қытай Халық Республикасы Мемлекеттік кеңесінің Премьері Вэнь Цзябао бейсенбі күні Вэньчжоудағы теміржол апаты болған жерге барып,
қаза болғандардың отбасылары мен туған-туыстарына көңіл айтты. Журналистермен болған кездесуде премьер, науқасына байланысты бұл сапарды ертерек жасай алмағанын жеткізді.
"Қытай үкіметі бұл теміржол апатына жауаптыларды қатаң жазаға тартады", - деп мәлім етті Вэнь Цзябао.
23 шілдеде Қытайдың Чжэцзян уалаятындағы Вэньчжоу қаласына жақын маңда 23 шілдеде болған теміржол апатының 39 адамның өмірін қиғанын, тағы 200-ге жуық адамның түрлі жарақат алғанын ҚазАқпарат бұған дейін хабарлаған болатын.
