Теміртаудағы төрт газ тарату қондырғысының жөндеу жұмыстары жақында аяқталады
ТЕМІРТАУ. АСТАНА. KAZINFORM — Төрт күрделі жөндеуден өткен газгольдер қыркүйек айында 19 көпқабатты үйді газбен жабдықтауды қайта бастайды. Қазір мердігер компания найзағайдан сақтайтын қажетті электрохимиялық қорғанысты қосып жатыр. Бұл туралы Қарағанды облысы әкімдігінің баспасөз қызметі мәлім етті.
– Электрохимиялық қорғаныс орнатылды, жақын арада техникалық шарттар дайындалады. Содан кейін ол электр желілеріне қосылады. Газгольдерлерге найзағай түскен жағдайда жарылыстардың алдын алу үшін қорғаныс қажет, – деді Теміртау ТКШ бөлімі басшысының міндетін атқарушы Ақылжан Уакитов.
Теміртауда ТКШ бөлімінің балансында 17 газ тарату қондырғысының 11-і бар. Биыл ГТҚ орнатылғаннан бері алғаш рет оның төртеуін жөндеуге қаражат бөлінді.
Қала орталығының газ ұстаушылары ешқашан күрделі жөндеуден өткен емес. Газ тарату желілері де тозған. Келесі жылы тағы жеті газ тарату қондырғысын күрделі жөндеу жоспарланған. Қазіргі уақытта жобалау-сметалық құжаттама әзірленіп жатыр.
