Тенистен Дэвис кубогы жолында Қазақстан құрамасы Испаниямен кездеседі

АСТАНА. 11 қаңтар. ҚазАқпарат - Үстіміздегі жылғы 10-12 ақпан күндері Испанияның Овьеда қаласында тенистен Дэвис кубогы жолында Қазақстан мен Испания құрамалары кездеседі. 

«Аламан» ұлттық спорт порталының мәліметіне қарағанда, былтыр өзін жақсы қырынан көрсетіп, Швейцария, Чехия құрамаларын тізе бүктірген ел құрамасы 1/4 финалда Аргентинаға жол берген еді.

Дегенмен, отандық құрама әлемдік элитада өз орнын сақтап қалды. Бір айдан соң олар Дэвис кубогының қазіргі жеңімпазымен айқаспақ. Бұл кездесу бастапқыда Мадрид қаласында өтеді деп күтілген. Алайда, Испания тарапы оны Овьеда қаласында өткізуге бел буыпты. Кездесу 3750 көрермен сиятын «Palacio de los Deportes» стадионында өтеді. 

«Испанияға Қазақстаннан 6 журналист пен 11 жанкүйер аттанады»,- деп хабарлады Қазақстанның Теннис федерациясы.