Теннис: Александр Бублик әлемдік рейтингіде рекорд көрсеткішке қол жеткізді

НҰР-СҰЛТАН. ҚазАқпарат – Қазақстанның бірінші ракеткасы Александр Бублик ATP рейтингісінде рекорд көрсеткішке қол жеткізді, деп хабарлайды ҚазАқпарат тілшісі.

Қазақстан теннис федерациясы мәлім еткеніндей, бүгін жаңартылған рейтингіде А.Бублик 37-ден 34-орынға көтерілді. Бұл – оның спорттық жолындағы ең үздік көрсеткіші.

Михаил Кукушкин 13 сатыға төмендеп, 142-орынға жайғасты. Дмитрий Попко 193-тен 195-ке сырғыды. Есесіне Тимофей Скатов бірден 25 сатыға, 299-дан 274-ге көтерілді.

Жұптық сында Андрей Голубев 38-орында қалса, А.Бублик 50-ден 48-ге жоғарылады. Украинада өткен челенджер турнирінде жеңімпаз атанған Александр Недовесов 80-нен 79-ға орналасты.

Еске сала кетейік, бұдан бұрын қазақстандық жас теннисшілердің Украинада өткен жарыста чемпион атанғанын, US Open турнирінде 18 жастағы теннисшінің чемпион атанып, рекордтық нәтижеге қол жеткізгенін жазған болатынбыз.

Сондай-ақ Даниил Медведев «Үлкен дулыға» додасында алғаш рет чемпион атанды.