21:31, 06 Сәуір 2021 | GMT +6
Теннис: Кукушкин Испаниядағы Марбелья турнирінде жеңіліп қалды
НҰР-СҰЛТАН. ҚазАқпарат – Қазақстандық Михаил Кукушкин Марбелья (Испания) ATP 250 турнирінің екінші айналымына шыға алмады, деп хабарлайды ҚазАқпарат тілшісі.
Дүниежүзілік рейтингте 102-орында тұрған М.Кукушкин алғашқы айналымда әлемнің 91-ракеткасы, италиялық Джанлука Магермен күш сынасты.
Бірінші партияда Д.Магер басымдылық көрсетті – 7:5.
Италиялық спортшы екінші сетте де 4:1 есебімен алға кетті. Ақыры ол матчқа доп бергенде, өз мүмкіндігін жіберген жоқ – 6:3.
Бәсеке 1 сағат 26 минутқа созылды.
Д.Магер екінші айналымда әлемнің 26-ракеткасы, норвегиялық Каспер Руудпен күш сынасады.
Жүлде қоры 255 мың АҚШ долларына бағаланған дода 11 сәуірде мәреге жетеді.
Еске сала кетейік, бұдан бұрын Ю.Путинцеваның Чарльстон турнирінде З.Дияспен өзара кездесетінін жазған болатынбыз.