ТЕННИС: Недовесов Қытайдағы турнирде жұптық сында жеңімпаз атанды
АСТАНА. ҚазАқпарат - Александар Недовесов Қытайдағы Чжэнчжоуда "Челленджер" турнирі сериясының жұптық жарысында жеңімпаз атанды, деп хабарлайды Vesti.kz.
Финалдық матчта Александр Недовесов испандық теннисші Даниэл Муньос де ла Навамен жұптасып, Фабрис Мартен (Франция) және Пурав Раджаны (Үндістан) 6:2, 7:5 есебімен сүріндірді.
Еске сала кетсек, Александр Недовесов Дэвис Кубогы матчында Италия командасымен кездесуде Қазақстан құрамасына шешуші ұпай әперіп, 1/4 финалға шығарған болатын.
