Теннис: Я.Шведова Богота турнирінің финалында жеңіліп қалды
АСТАНА. ҚазАқпарат - Қазақстанның екінші, әлемнің 75-інші ракеткасы Ярослава Шведова Колумбияның Богота қаласында мәреге жеткен халықаралық турнирдің финалында бразилиялық Тельяна Перейрамен күш сынасты.
Чемпионат.ком сайтынан алынған мәліметке қарағанда, тартысты өткен бірінші партияда бразилиялық теннисші тай-брейкте 7:2 есебімен жеңіске жетті. Ал екінші партия 6:1 есебімен Т.Перейраның пайдасына шешілді.
Бұл - бразилиялық теннисшінің халықаралық турнирдегі бірінші жеңісі.
Богота турнирінің жүлде қоры 250 мың АҚШ доллары болғанын еске сала кетейік.
