Теннис: З.Дияс Дубай турнирінің екінші айналымына шықты
АСТАНА. ҚазАқпарат - Қазақстанның бірінші, әлемнің 33-інші ракеткасы Зарина Дияс Дубай турнирін жеңіспен бастады.
Чемпионат.ком сайтынан алынған мәліметке қарағанда, Зарина алғашқы айналымда германиялық, дүниежүзілік рейтингте 63-інші орында тұрған Анника Бекті 6:2, 6:2 есебімен тізе бүктірді. З.Дияс екінші айналымда тағы бір германиялық теннисші Андреа Петковичпен шеберлік байқасады. Ол - А.Бекке қарағанда, әлдеқайда тәжірибелі теннисші әрі осы турнирдің тоғызыншы ракеткасы.
Дубай турнирінің жүлде қоры 2,513 млн. АҚШ доллары екендігін айта кетейік.
