09:19, 10 Сәуір 2025 | GMT +5
Қазақстан құрамасы теннистен Билли Джин Кинг турниріндегі алғашқы матчта жеңіске жетті
АСТАНА. KAZINFORM — Аустралияның Брисбен қаласында Билли Джин Кинг кубогының іріктеу турнирі өтіп жатыр.
D тобында Қазақстан мен Аустралия командалары арасында матчта алғашқы болып кортқа Юлия Путинцева мен Майя Джойнт шықты.
Қазақстандық теннисші әлемнің 23-ракеткасы болса, 18 жастағы қарсыласы 78-сатыда еді.
Ю.Путинцева М.Джойнтты 6:2, 6:1 есебімен ойсырата ұтты.
Бір сағат 15 минутқа созылған бәсеке барысында Путинцева 9 брейк-пойнттың төртеуін пайдаланды. М.Джойнт 1 эйспен ғана шектелді.
Енді келесі матчта Елена Рыбакина Кимберли Бирреллмен ойнайды.
Еске сала кетейік, бұдан бұрын Елена Рыбакинаның алдағы жарыста қазақстандықтардың қолдауы өте маңызды екендігі туралы айтқанын жазған болатынбыз.
