Тереза Мэй Ұлыбританияның премьер-министрі қызметінде қалды
ЛОНДОН. ҚазАқпарат - Премьер-министр Тереза Мэй Солтүстік Ирландияның Демократиялық юнионистік партиясымен бірге коалициялық үкімет құру үшін Ұлыбритания патшайымы II Елизаветаның рұқсатын алды, деп хабарлайды «ҚазАқпарат» ХАА меншікті тілшісі.
«Енді мен анықтылықты қамтамасыз ететін және қиын-қыстау уақытта Британияны алға жетелейтін үкімет құрамын», - деді Мэй Даунинг-Стриттегі резиденцияда сөйлеген сөзінде.
Сондай-ақ, ол бұрын жоспарланғандай, Ұлыбританияның ЕО құрамынан шығу туралы келіссөздері 19 маусымнан бастап жүргізілетінін тілге тиек етті.
Бұл дегеніміз Мэй парламент сайлауында бірнеше орын жоғалтқанына қарамастан, премьер-министр лауазымын сақтап қалып, өзінің министрлер кабинетін құратынын білдіреді.
