Тестілеу орталығы түлектер оқығысы келетін танымал бағыттарды атады
«Әзірге білім беру бағдарламалары арасында түлектердің басым көпшілігі ақпараттық технологияларға өтінім берген. Әзірге 7 мыңға жуық абитуриент өтінім берді. Одан бөлек, үздік бестікке «жалпы медицина», «Шет тілі оқытушыларын даярлау», «Дене тәрбиесі оқытушылары», «Құрылыс» салалары енді», - деді ҚР Ұлттық тестілеу орталығы директорының міндетін атқарушы Дидар Смағұлов орталықта өткен баспасөз турында.
Оның айтуынша, мемлекеттік білім беру грантына өтінім беру 20 маусымда сағат 18:00-де аяқталады. Содан кейін көшбасшы салалар бойынша нақты нәтиже белгілі болады.
«Әдетте көбірек сұранысқа ие болатын құқық, халықаралық құқық, кеден ісі мамандықтары биыл 14-орынға түсті.Бұл мамандықтарға биыл мыңнан астам адам ғана құжат тапсырды. Әзірге 58 мыңға жуық адам мемлекеттік грантқа құжат тапсырды», - деді Дидар Смағұлов.
Айта кетейік, бұған дейін Тестілеу орталығы журналистерге ҰБТ сұрақтарының қалай әзірленетінін көрсеткен еді.