The Beatles тобының бүкіл төрт мүшесі шырқаған соңғы әні жарыққа шығады
Әлемге танымал The Beatles рок-тобының тарағанына 50 жылдан астам уақыт өтті, квартеттің екі мүшесі дүниеден өтіп кетті. Бірақ жасанды интеллектің арқасында аты аңызға айналған топтың жанкүйерлері оның «жаңа» әнін естиді. Бұл туынды келесі аптада шығады. Kazinform агенттігі бұл туралы Еuronews жаңалықтарына сілтеме жасап хабарлайды.
Бәрі де әлеуметтік желілерде The Beatles-ға қатысы бар Ливерпульдің көрнекті жерлерінің фотосуреттері тарағаннан басталды.
Фотода ескі аудиокассета бейнесі проекцияланған. Жұмбақ жолдау жаңа ән шығатынын алдын ала аңғартты.
Көп уақыт өтпей ән туралы ресми мәлімдеме жасалды.
Now And Then композициясы 2 қараша күні сингл ретінде шығады, артқы жағында Love Me Do бар винил (топтың 1962 жылы шыққан ең алғашқы синглы) бар.
NOW AND THEN. THE LAST BEATLES SONG. OUT 02.11.23.⁰
— Paul McCartney (@PaulMcCartney) October 26, 2023
'#NowAndThen' is the last @thebeatles song – written and sung by @johnlennon, developed and worked on by Paul, @GeorgeHarrison @ringostarrmusic, and now finally finished by Paul and Ringo over four decades later.
Pre-order… pic.twitter.com/HVGyIPnlgd
Now And Then композициясы марқұм Джон Леннонның Free As a Bird және Real Love туындылары сияқты жарыққа шықпаған демо-жазбасының партиясынан алынды.
Әншінің топтағы әріптестері оны 1990 жылдардың ортасында аяқтап, шығарған.
Пол Маккартни, Ринго Старр және Джордж Харрисон Now And Then синглын сол кезде аяқтауға тырысты, бірақ оларға техникалық шектеулер кедергі болды.
Режиссер Питер Джексон жасанды интеллект көмегімен Леннонның түпнұсқа вокалын 1978 жылғы жазбада ән орындаған фортепианоның сүйемелдеуінен «айыру» арқылы бұл проблеманы шешті.
Маккартни мен Старр композицияның жұмысын өткен жылы осының арқасында аяқтай алды.
«Міне, Леннонның мөлдір дауысы – осы. Ол өте эмоционалды. Біз оны ойнаймыз. Бұл – The Beatles-дың түпнұсқа жазбасы. 2023 жылы The Beatles музыкасымен жұмысты жалғастыру және жұртшылық бұрын естімеген жаңа әнді шығару өте қызық», - деді Маккартни.
Келесі сәрсенбіде, әннің шығуына бір күн қалғанда, желіге Now And Then әні қалай жаңадан шығарылғанын көрсететін 12 минуттық фильм шығады.
10 қарашада «1962-1966» және «1967-1970» «Қызыл» және «Көк» альбомдарының кеңейтілген нұсқалары шығады.
Соңғы жинаққа 1970 жылдан әлдеқайда кейінірек жазылғанына қарамастан Now And After әні де кіреді.
