Тікұшақ күн батареясымен алғашқы ұшырылымын жасады
АСТАНА. ҚазАқпарат - Мэриленд штатындағы Университет студенттерінен құралған команда күн панелдерімен жарақталған төрт роторлы тікұшақ әзірледі, деп хабарлайды nat-geo.ru.
Әуе кемесі ауада тоғыз секунд болды, бұл ретте ол 30 см астам биіктікке көтерілді. Ағайынды Райттардың алғашқы ұшырылымы 12 секундқа созылған.
Тікұшақты құрастырған команда бұдан бұрын педальмен жұмыс істеген тарихтағы ең ұзақ тікұшақ ұшырылым жасағанымен ерекшеленген. Бұл тікұшақтың конструкциясы ішінара алдыңғы ұшу аппаратының сызбаларына негізделген.
«Жеті жылда жоба механикалық қоректендіруден таза энергияға дейін ұзақ сынақтан өтті», - деп хабарлады Университеттің докторанты Уильям Старук.
