Тілсіз жау анасы мен екі сәбидің өмірін қиды
АСТАНА. 9 сәуір. ҚазАқпарат - Алматы қаласындағы «Ақсай-3» шағынауданындағы көпқабатты үйлердің бірінен шыққан өртті сөндіру кезінде 2 және 4 жастағы сәбилер мен олардың анасының денесі табылды,
деп хабарлады ҚР ТЖМ баспасөз қызметінен.
Қайғылы оқиға Төле би мен Момышұлы көшелерінің қиылысында орналасқан көпқабатты үйде орын алған. Өрт туралы хабар 8 сәуір күні сағат 11-де түскен. Араға жарты сағат салып барып ауыздықталған қызыл жалын 3 шаршы метр аумақты шарпыған.
Өртті сөндіруге ҚР ТЖМ Алматы қалалық төтенше жағдайлар департаменті өрт сөндіру қызметінің жеке құрамындағы 11 маман мен 3 техника жұмылдырылды.
