Тимофей Скатов Тунис турнирінің ширек финалына шықты

АСТАНА. KAZINFORM - Қазақстандық, әлемнің 247-ракеткасы Тимофей Скатов Тунис челленджер турнирінің ширек финалына шықты.

Жарысты іріктеу сайыстарынан бастаған қазақстандық теннисші екінші айналымда дүниежүзілік рейтингіде өзінен алты саты жоғары тұрған нидерландылық Гийс Брувермен шеберлік байқасты.
Тимофей Скатов бәсекені көпке ұзатпай, 6:2, 6:3 есебімен жеңіске жетті. Матч бір сағат 18 минутқа созылды.

Т.Скатов жартылай финалға шығу үшін әлемнің 120-сыншы, осы доданың 1-ракеткасы, монаколық Валентин Вашеромен таласады.

Еске сала кетейік, бұдан бұрын Александр Бубликтің жұптық сында Рим мастерс турнирінің жартылай финалына өткенін жазған болатынбыз.