Тимофей Скатов Үндістандағы жарыстың ширек финалына жолдама алды

АСТАНА. KAZINFORM - Қазақстандық теннисші, әлемнің 202-ракеткасы Тимофей Скатов Ченнай (Үндістан) челленджер турнирінің ширек финалына шықты.

Қазақстандық теннисші екінші айналымда дүниежүзілік рейтингіде 225-орында тұрған ресейлік Аслан Карацевпен бетпе-бет келді.

Тимофей Скатов 6:4, 7:5 есебімен жеңіске жетті.

Екі сағатқа жуық уақытқа созылған тартысты бәсекеде Скатов 1 эйспен бірге 8 брейк-пойнттың үшеуін пайдаланды. Карацев 7 эйс, 1 брейкпен (6 брейк-пойнт) көзге түсті.

Тимофей Скатов жартылай финалға шығу үшін әлемнің 129-ракеткасы, ұлыбританиялық Билли Харриспен таласады.

Еске сала кетейік, бұдан бұрын Тимофей Скатовтың Үндістандағы жарысты жеңіспен бастағанын жазған болатынбыз.

Сондай-ақ Елена Рыбакина Әбу-Даби турнирінде камбэк жасап, ширек финалға шықты.