Тимошенконың мойнына 200 млн. доллар "газдың" ақшасы ілінді

АСТАНА. 18 сәуір. ҚазАқпарат - Украинаның экс-премьері Юлия Тимошенко үкіметтің келісімінсіз, мемлекет үшін экономикалық тиімсіз жеке дара шешім қабылдаған. Мұндай мәлімдемені Украина теледидары эфирінен елдің бас прокуроры Виктор Пшонка жасады. Әңгіме Ресей Федерациясымен болған газ келісімшарты туралы болып отыр,

деп жазады РБК.

"Сол кезде газдың 1 мың текше метрі 179 доллар тұрды, ал келісімшартқа қол қою кезінде ол базалық негізінен мың текше метрі үшін 450 доллар болып шыға келген. Тергеу осының барлығын анықтады. Материалдарды біз Украинаның арнайы қауіпсіздік қызметінен алдық. Әңгіме мемлекеттің ұлттық экономикалық қауіпсіздігі жөнінде болып отыр», - деп мәлімдеді В.Пшонка.

Оның айтуынша, Ресей жағымен Ю.Тимошенко жасаған тиімсіз келісімшарттың нәтижесінде Украина 200 млн. доллар жоғалтқан, - деп хабарлайды "РБК-Украина".