Тіс құртымен күресетін кәмпиттер пайда болды
АСТАНА. 10 желтоқсан. ҚазАқпарат - Германияда Organobalance GmbH компаниясы тістің шіруіне жол бермейтін кәмпиттер жасап шығарды. Оның құрамына бактериялар қосылған.
«Жаңа кәмпиттерді 60 ерікті сынап көрді», - деп хабарлайды Мeddaily.ru. Зерттеудің нәтижесінде еріктілердің аузында тіс шірігін туғызуы мүмкін Mutans streptococci зиянды бактериясының көрсеткіші азайған. Ғалымдар бұл бактериямен күрес үшін кәмпит құрамына келесі бір Lactobacillus paracasei бактериясының өлтірілген үлгісін қосыпты. Өйткені соңғысы тісті бұзатын патогенге жабысып алып, оның күшін әлсіретеді екен.
